73-годишен пациент од скопската општина Аеродром, односно Ново Лисиче, е петтата жртва на западно-нилската треска, соопшти денеска директорот на Клиниката за инфективни болести , д-р Фадил Цана.
Пациентот бил примен на клиниката во тешка состојба и со сериозни придружни заболувања.
„Пациентот 22 дена бепе хоспитализиран на Клиниката за инфективни болести, а од самиот прием бил во многу тешка состојба. Беше сместен на одделот за интензивно лекување и ставен на респираторна поддршка.
Со овој случај, бројот на починати од западно-нилска треска во земјава се искачи на пет. Во моментов на Клиниката за инфективни болести се хоспитализирани 21 пациент. Од нив, 18 имаат потврдена инфекција со вирусот и невроинвазивна форма, додека тројца пациенти се сметаат за суспектни.
„Речиси секој ден по некој се хоспитализира и бројката на Клиниката е околу 20 до 21“, кажа директорот Цана.