Данската група Aqua ги одбележа деведесеттите години со хитот „Barby girl“, а сега членовите на бендот објавија дека по речиси 30 години ја завршуваат својата заедничка приказна како бенд во живо. Тие ја споделија веста на својот официјален Инстаграм, каде што се збогуваа со своите обожаватели кои ги следат од 1990-тите со емотивна порака.
„По многу неверојатни години, решивме да го затвориме поглавјето на Aqua како бенд во живо“, напишаа тие.
Додадоа дека Aqua е огромен дел од нивните животи и дека заедно доживеале повеќе отколку што можеле да замислат. „Кога сте заедно толку долго, учите да го препознаете моментот кога треба да го заштитите она што сте го создале. Ни се чини дека сега е вистинското време да се збогуваме, додека спомените се сè уште свежи, а љубовта кон музиката, нашата приказна и едни кон други е недопрена“, рекоа членовите на бендот.
View this post on Instagram
Aqua е формиран во 1994 година, а оригиналната постава ја сочинуваа Серен Растед, Лене Нистром, Рене Диф и Клаус Норен. Тие стекнаа светска слава во 1997 година со песната „Barbie Girl“, која стана еден од најпрепознатливите поп-хитови од тој период.
Со текот на годините, тие издадоа и успешни песни како „Doctor Jones“, „Turn Back Time“ и „Cartoon Heroes“, а бендот првпат се распадна во 2001 година пред повторно да се обедини во 2007 година. Норин ја напушти групата во 2016 година.
View this post on Instagram
Тужбата од „Мател“, производителот на кукли Барби, исто така, привлече големо внимание во 2000 година, во која бендот беше обвинет за оштетување на угледот на брендот. Тие беа вознемирени од стихови како што се: „Јас сум русокоса „бимбо“ девојка во свет на фантазијата / Облечи ме, јас сум твојата кукла“. Судот ја отфрли тужбата во 2002 година, а ситуацијата подоцна доби неочекуван пресврт.
Години подоцна, Aqua дури и соработуваше со „Мател“ на реклама за Барби, користејќи адаптирана верзија на песната. Потоа „Мател“ дозволи хитот да се користи во филмот „Барби“ од 2023 година, режиран од Грета Гервиг, додека Ники Минаж и Ајс Спајс ја издадоа песната „Барби Ворлд“ за саундтракот, кој користи семплови од оригиналниот хит на Aqua.