Студентите во блокада најавија дека на 30 октомври ќе тргнат пеш од Белград до Нови Сад, во знак на сеќавање и солидарност со жртвите од падот на настрешницата во Нови Сад, пренесува Н1.
На нивната Инстаграм страница, студентите објавија дека се пријавиле повеќе од 4.000 учесници, меѓу кои и средношколци.
„Нашиот тим дава сè од себе да обезбеди безбедност, сместување и основни услови за сите кои ќе пешачат. Ги молиме граѓаните кои сакаат да ни се придружат тоа да го сторат самостојно, со сопствено сместување и логистика,“ наведоа студентите, додавајќи дека не можат да преземат одговорност за сите учесници.
Студентите најавија и голем комеморативен собир на 1 ноември во Нови Сад, по повод годишнината од трагедијата.
Во меѓувреме, студентите од Државниот универзитет во Нови Пазар веќе тргнаа кон Нови Сад и планираат да пешачат 16 дена за 16 жртви.