Раководството на Барселона сериозно се подготвува за зимскиот преоден рок. Клубот најверојатно ќе дозволи еден или двајца играчи од првиот тим да си заминат уште сега.
Се очекува голманот Марк-Андре тер Штеген да замине во потрага по редовно време за играње пред Светското првенство следното лето, а на заминување од „Ноу Камп“ е и младиот Руни Барџи.
Барселона го донесе младиот фудбалер ова лето, но тој се мачеше да се етаблира откако пристигна, иако ја искористи шансата на најдобар можен начин викендов, постигнувајќи го својот прв гол за клубот во победата од 5-3 над Бетис.
Сепак, далеку е од сигурно дека Барџи ќе остане во Барселона во втората половина од сезоната.