„Од Чаир до Тетово, Вреди успеа да победи во десет општини во Северна Македонија. Моите двајца пријатели, Изет и Билали, триумфираа со заслуга, бидејќи со конкретни проекти и чесна работа. Првиот во првиот круг, вториот две недели подоцна, но двајцата победија, со голема разлика.
Успехот на локалните избори е потврда за доброто управување на Вреди, за волјата за промени на Албанците и голема шанса за реформи во Северна Македонија.
Во првите 15 месеци на власт, Вреди владееше со чисти раце, без корупција и скандали, правејќи етичка разлика со претходните влади. Токму овој дух на промени донесе отворена и повеќедимензионална соработка меѓу Косово и Северна Македонија. Од суштинскиот состанок на нашите две влади до заедничкото управување со границата, Косово и Северна Македонија ги продлабочија соседските односи како никогаш досега. Владата на Косово ги поздравува демократските случувања во Северна Македонија, како доказ за европската перспектива на нашиот партнер и сојузник“, напиша косовскиот премиер.
