„Спортистите не пишуваат за политика и ова е моја прва објава. Ова е семејно и морално прашање. А кога се навредува семејството, секако дека нема да седиме со скрстени раце. Семејството Дани е дел од историјата и придонесот во оваа земја, и никој нема право да го понижува со ниски зборови, а најмалку не некој како тебе. Фатмир Дехари, со зборовите што ги употреби, од денес избра да станеш непријател на моето семејство“, напиша фудбалерот Мергим Дани.
Од снимките се слуша како наводноп Дехари ја пцуе Адрита Дани, мајка му на фудбалерот, и ја нарекува ку**а и психопат. Адрита Дани порано беше претседателка на ДУИ во Кичево, а од 2021 до 2024 и директорка на ЈП Студенчица.
Денеска со соопштение повторно се јави и ВМРО-ДПМНЕ.
„Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и сексуална злоупотреба. Во јавноста излегоа снимки кои ја откриваат одвратна вистина за градоначалникот на Кичево, Фатмир Дехари. Тој малтретирал и сексуално понижувал жени на работно место. Фатмир Дехари ја злоупотребил својата позиција и ова не смее да биде премолчено и неказнето.
Ова е срам, навреда и понижување на секоја жена во државата без разлика на етничката припадност.
И наместо оставка од Дехари и извинување, ДУИ се обидува да го прекрие скандалот нарекувајќи ги снимките како ‘фабрикувани материјали’ и ‘шпекулативни и монтирани снимки’ во обид да ја замајува јавноста.
Ефтин обид на ДУИ, скандалот да го релативизира и претвори во етничка сторија. Тоа не поминува, јавноста ги слушна снимките. ДУИ да не ја потценува интелегенцијата на народот.
Во тие снимки се слуша како вработените жени се принудени да го бакнуваат дури и да му седнуваат во скут на Дехари. Ова недолично и некултурно однесување на Дехари не заслужува никакво оправдување.
Дали ова е нивото на кое падна ДУИ, да бранат и поддржуваат функционери кои сексуално малтертираат жени?
Дали ова е нивото, дали почитта кон жената е празно слово во ДУИ? Што им порачуваат на жените и семејствата со ваквото однесување? Граѓаните на Кичево и целата македонска јавност не заслужуваат вакво однесување и ваков срам. Ниту една жена не смее да биде третирана како објект и на ваков начин. Не живееме во средниот век, сите жени, мајки и ќерки заслужуваат да бидат третирани со почит и да бидат заштитени.
Дехари веднаш да поднесе оставка и да се повлече од јавниот живот. ДУИ и жените од ДУИ да го осудат ваквото однесување. Сите институции, политички партии и здруженија за заштита на жените да реагираат јасно и безкомпромисно“, соопшти ВМРО-ДПМНЕ.