Аркин Јахиј, кандидат на Националната алијанса за интеграција е новиот градоначалник на општината Брвеница. Според податоците на Државната изборна комисија, во вториот круг на локалните избори, одржан вчера Јахиј освоил 4.442 гласа, за разлика од кандидатот на коалицијата „Твоја Македонија“ предводена од ВМРО-ДПМНЕ, Стојанчо Радичевски, кој доби 4.177 гласа.
Според ДИК, разликата изнесува 265 гласови од сите 24 избирачки места во десетте населени места во општината. Излезноста во вториот круг била 54,29 проценти, односно на гласање излегле 8.820 избирачи, а неважечки биле 201 гласачко ливче. За разлика од првиот круг, кога гласале 7 572 избирачи, во вториот на гласање излегле 1 248 граѓани повеќе.