Раководството на Барселона одлучи да го купи Маркус Рашфорд, тврди каталонското издание „Спорт“. Во летото, англискиот интернационалец дојде на „Камп Ноу“ како позајмен од Манчестер Јунајтед, со откупна клаузула во договорот за 30 милиони евра.
Новиот менаџер на „црвените ѓаволи“ Мајкл Карик би сакал да го има Рашфорд во својот тим и е подготвен да се потпре на него доколку самиот остане на чело на тимот. Сепак, 28-годишниот фудбалер е среќен во Барса, а клубот е исто така задоволен од неговите настапи и планира да го задржи.
Барселона ќе ја активира опцијата да го купи Рашфорд за 30 милиони евра. Сумата не е предмет на преговори, бидејќи Јунајтед не сака да прави компромиси. До неодамна, „блауграните“ се двоумеа дали трајно да го привлечат напаѓачот, но сега одлуката е донесена.
Во последните пет натпревари за Барса, Рашфорд постигна три гола и имаше две асистенции.