Малопродажните цени на бензините Еуросупер БС-95 и Еуросупер БС-98 се намалуваат за 2,5 денари за литар, а цената на дизелот се зголемува за два денари, одлучи Регулаторната комисија за енергетика, водни услуги и услуги за управување со комунален отпад. Од ноќеска на полноќ, литар Еуросупер БС-95 че се продава за 96 денари, а Еуросупер БС-98 за 98 денари. Литар дизел ќе чини 99 денари.
Поскапува и екстра лесното масло за домаќинство (ЕЛ-1), за 2 денари за литар и ќе чини 110,50 денари, а мазутот поскапува за 1,837 денари за килограм и од утре ќе с епрдава за 53,579 ден/кг.
Како што информираат од РКЕ, референтните цени на нафтените деривати на светскиот пазар во споредба со претходната пресметка бележат намалување кај бензините во просек за 4,142% или за 52,500 долари за тон, кај дизелот зголемувањето е во просек за 2,966% или за 41,400 долари за тон, кај екстра лесното масло зголемувањето е во просек за 2,465% или за
34,300 долари за тон и кај мазутот зголемување во просек за околу 4,416% или за 27,100 долари за тон.
Во оваа одлука на Комисијата е применет намален износ на акцизата од 4 денари за литар
кај бензините и кај дизелот , а намален е и износот на ДДВ за дизелот во износ од 10 отсто.