Спасени се куќите во селата Богомила во Чашка и Лознани во Палагонија, ќаде во изминатите 24 часа се водела битка со пожари. Низ целата земја активни беа над 40 пожари, од кои повеќето се изгаснати, но остануваат активни уште шест. Како што вели Директорот на Дирекцијата за заштита и спасување Стојанче Ангелов, тие не загрозуваат населени места ниту пак может да зафатат квалитетна шума, иако вчерашниот ден бил еден од најтешките во сезоната на пожари.
„Две населени места беа директно загрозени од пожари. Драматично беше во селото Богомила во општината Чашка, каде огнот дојде до првите куќи, благодарение на брзата интервенција на локалното население и на пожарникарите од Велес, пожарот беше локализиран и ставен под конртрола и изгаснат“, вели Ангелов. Кризна состојба имаше и во пелагонискиот крај, во селата Ивањевци, Лознани и Новоселани каде гореше висока сува трева на само педесетина метри од куќите.
„Побарав помош од четири пинцгауери од Дирекцијата, линијата на пожарот беше исклучително долга, а на пожарникарите од Битола помош им даде локалното население а беа ангажирани и 20 припадници на доброволните пожарникари од Битола“, вели Ангелов.
На големиот пожар кој трае неколку дена во Македонски брод на непристапен терен се ангажирани триесетина доброволни пожарникари и вработени во Дирекцијата, додека пожарот во Студеничани го гаснеа авиони ер трактор.