„Советот на метрополата Венеција, официјално за првпат доби македонски државјанин за советник Тарик Семси. Тој беше еден од водечките млади луѓе кои се најдоа на советничката листа на актуелниот градоначалник на Венеција, Симоне Вентурини кој убедливо победи на локалните избори во Венеција во мај“, напиша Ременски во објава на Фејсбук.
Положувајќи ја официјално обврската за совесна работа, Тарик се заблагодари на сите што веруваа во него и му ја дадоа поддршката со збор, дело и глас, на градоначалникот Симоне Вентурини за неговата довербата и на неговиот татко Мунир Шемси, кој секогаш го поддржува, советува и охрабрува да го даде најдоброто од себе.
Тарик Семси (28) е првиот македонски државјанин и воопшто странец кој е избран за член на Советот на Општина Венеција. Тој потекнува од село Коџаџик, Општина Центар Жупа и припаѓа на турската етничка заедница.
