Македонската ракометна репрезентација денеска ќе означи старт на мини-подготовките за бараж мечот против Словачка за пласман на Светското првенство 2027 година кое ќе се одржи во Германија.
Селекторот Кирил Лазаров денеска (13:30 часот) во хотелот „Александар Палас“ ја закажа прозивката. На скратениот список се најдоа 20 ракометари.
Првиот натпревар се игра на 14 мај во Прешов, додека реваншот е закажан три дена подоцна во СЦ „Борис Трајковски“, билетите за оваа средба веќе се пуштени во продажба.
Македонија ќе се бори за 10-тото Светско првенство во својата историја, осмо по ред.