Новиот сингл на популарниот пејач носи модерен фанк ритам и енергија која ветува незаборавни забави до раните утрински часови. Скопје конечно добива музичка тема која го отсликува неговиот динамичен ноќен пулс. Со енергија што се чувствува уште од првите тактови, познатиот музичар Jack Daniel ја промовираше својата најнова песна насловена „Во Скопје“. Станува збор за динамична и разиграна композиција, создадена да биде главен двигател на забавите во претстојниот период.
Уште со самиот почеток и заразниот рефрен кој вели: „Во Скопје има журка, земи друштво дојди, Jack Daniel за нас е тука одма појди…“, јасно е дека ова не е само обична песна, туку отворена покана за забава. Инспирирана од урбаниот ритам на главниот град, „Во Скопје“ го доловува она чувство кога градот никогаш не спие, светла, музика, насмевки и позитивна енергија на секој чекор.
Зад новиот потенцијален хит стои докажана екипа на професионалци: Музика и аранжман: Петрос Лаковидис, Текст: Jack Daniel, Продукција: Горан Мирковски The Music Sound. Заедно, тие успеаја да создадат модерен и „radio-friendly“ звук кој совршено се вклопува со харизмата и сценскиот настап по кои Jack Daniel е препознатлив.
Видеото за песната е вистинска визуелна разгледница на Скопје. Низ динамични ноќни кадри снимени со дрон, пренесена е автентичната градска атмосфера. Видеоспотот е реализиран од „Арт Студио“ продукција во соработка со Балкан Мјузик телевизија. Интересен е фактот што за потребите на видеото бил објавен кастинг на кој, за само неколку часа, се пријавиле огромен број девојки, што само го потврдува големиот интерес на публиката за секој нов проект на овој изведувач.
Jack Daniel, кој во јавноста важи за голем шармер и џентлмен, уште еднаш докажа дека знае како да го почувствува пулсот на публиката. Неговата непосредна комуникација со фановите е клучниот елемент на неговиот успех, а токму таа енергија е преточена во неговиот најнов сингл.
„Во Скопје“ не е само песна – тоа е атмосфера и движење. Судејќи по првичните реакции, ова лето во главниот град ќе помине токму во знакот на овој хит.
(ПР)