Ливерпул се соочува со нови проблеми во време кога распоредот станува немилосрден, а маргината за грешки е се помала.
Најновиот удар за тимот од „Енфилд“ дојде со потврда дека Ендо е повреден и ќе отсуствува неколку недели поради проблем со зглобот.
Оваа информација ја потврди самиот Арне Слот, дополнително нагласувајќи колку чувствителна станала ситуацијата во средниот ред. Како да не беше доволно тоа, холандскиот стратег откри и дека Коди Гакпо моментално не е достапен поради повреда на мускулот.
Ова дополнително ги стесни опциите на Слот во средината на теренот, особено затоа што во последните натпревари тој сè почесто користеше формација со четири играчи од средниот ред.