„Оваа одлука ја носам со почит кон институциите и со целосна одговорност кон законите. Јас немам намера да работам спротивно на прописите или да бидам дел од какви било политички калкулации. Политиката за мене никогаш не била средство за лична корист, туку начин да се помогне, да се слушне народот и да се решаваат проблеми. Благодарен сум за поддршката, довербата и сите соработки. Работев чесно и транспарентно, со чисти намери и со почит кон секој граѓанин.
Се повлекувам со подигната глава, знаејќи што сум направил и оставил зад себе, дела и проекти за една мала, но значајна општина како што е Крушево, дека ништо не сум сторил спротивно на закон или морал, туку исклучиво во интерес на своите сограѓани и својата општина.
Сега се враќам на професионалната должност во МВР, каде што ќе продолжам да работам одговорно, со истата посветеност и истата намера — да служам чесно, правично и во служба на сите граѓани!“, напиша тој на социјалните мрежи.