Денеска се играат три натпревари од 13-то коло во Супер-лигата, додека еден македонски тим ќе настапи на европска сцена.
Алкалоид кам-бекот на победничките патеки ќе го бара против ГРК Тиквеш на домашен терен, мечот е закажан со почеток во 18 часот во салата Автокоманда. Овие два тима имаат одиграни 11 меча, а на 10 од нив победил Алкалоид, една средба завршила без победник и тоа во 2023 година.
Момците на Кирил Лазаров се четвртти на табелата со 18 бода, три зад ГРК Охрид кој има меч повеќе, додека пак ГРК Тиквеш е петти со 14 бода.
На домашна сцена Бутел Скопје го пречекува Радовиш (16 часот), додека пак Пролет е домаќин на Пелистер (17 часот).