Македонската фудбалска репрезентација е во Гент каде денеска ќе го има тренингот на стадионот „Планет Груп“, каде утре националниот тим влегува во пресметката со фаворизираната Белгија за продолжување на мундијалскиот сон.
Ова е градот кој буди спомени од минатото, град чиј што клуб е еден од најдобрите во оваа земја. Гент сега има нов и модерен стадион кој е пуштен во употреба во 2013 година, а во самиот комплекс е и стариот стадион каде нашиот фудбал има една голема победа. Вардар славеше во овој град во 2004 година кога најтрофејниот наш клуб по изведување на пеналите стигна до пласман во следната фаза од тогашниот Интер-тото Куп. Од тој состав во експедицијата на Македонија сега се наоѓа само Влатко Гроздановски. Неуморниот асистент на селекторот Благоја Милевски ја знае победничката формила во овој град. Би било добро кога Гроздановски и утревечер слави со нашите репрезентативци, а тоа секако би било и со нерешен исход со оглед на тоа дека Белгија е апсолутен фаворит.
Кога сме кај Гент, вреди да се напомене дека тука добар меч од баражот за пласман во Лигата на Европа, одигра и Шкендија во 2016 година. Тетовци загубија со “тенки“ 2:1 и примија гол во 93 минута, но сепак во Скопје беа поразени со убедливи 0:4.