Лек за карцином бил откриен скриен во кутија за прва помош на автобус на граничниот премин „Богородица“. Од Царинската управа информираат дека мобилен царински тим спречил обид за криумчарење на вијали со медицински раствор „Иксџива“, што се употребува за малигни заболувања, а кои возач на автобус, косовски државјанин, се обидел да ги криумчари во кутија за прва помош, иако се работи за лек чиј увоз е строго регулиран со дозволи од надлежни институции и чиј транспорт подлежи на строго пропишани стандарди.
Случајот е откриен на влез во државата на граничниот премин Богородица, каде при контрола на автобусот, се откриени вкупно 29 вијали во вредност од 336.000 денари, 29 кутивчиња, но и 30 самолепливи етикети спакувани во најлонска црна кеса. Против возачот е поднесена кривична пријава за криумчарење.