Close Menu
Rabrovo
    Актуелно

    Гравчето ќе биде многу повкусно со еден едноставен трик: Повеќето луѓе забораваат на овој зачин

    17/11/2026

    Кралот Чарлс и Камила духовито реагираа на веста за новиот Џејмс Бонд

    17/11/2026

    Србија денеска на конститутивната седница ќе ги одбере претседателот и потпретседателите на Парламентот

    17/11/2026
    Facebook X (Twitter) Instagram
    Facebook X (Twitter) Instagram
    RabrovoRabrovo
    • Почетна
    • Македонија
    • Економија
    • Култура
    • Спорт
    • Регион
    • Свет
    • Магазин
    Rabrovo
    Home»Култура»Победничката на наградата „Роксан Стојанов“, Виола Имери, заминува на професионален престој во Париз
    Култура

    Победничката на наградата „Роксан Стојанов“, Виола Имери, заминува на професионален престој во Париз

    03/07/20263 Mins Read
    Facebook Twitter WhatsApp Email

    Победничката на првото издание на националната награда „Роксан Стојанов“, младата балетска уметница Виола Имери, од 3 до 12 јули 2026 година ќе престојува во Париз, заедно со нејзината менторка Дафина Данилоска Кочевска.

    Патувањето, престојот и професионалната програма се организирани од Интерарт културниот центар, Францускиот институт и Амбасадата на Франција во Скопје, со поддршка на Амбасадата на Република Северна Македонија во Париз, Божиновски часовници и Фондација Божиновски.

    Овој престој е дел од наградата „Роксан Стојанов“, востановена со цел да им овозможи на младите балетски и танцови уметници реална професионална поддршка, меѓународно искуство и директен контакт со врвни уметници и институции. Првото издание на натпреварот се одржа на 18 април 2026 година, на сцената на Македонскиот народен театар, во рамки на отворањето на 22. издание на Танц Фест Скопје. Натпреварот и наградата ‘Роксан Стојанов’ се одржуваат под покровителство на претседателката на Република Северна Македонија, Гордана Сиљановска-Давкова. На натпреварот настапија пет финалисти, избрани од вкупно 13 учесници: Антонија Атанасова, Виола Имери, Јана Кепевска, Мила Николова и Теа Серафимов.

    Жири-комисијата беше составена од Роксан Стојанов, ѕвезда на Париската опера, Антонио Конфорти, солист на Париската опера, Сандра Мијалкова, примабалерина на Националната опера и балет, Кристоф ле Риголер, амбасадор на Франција, и проф. д-р Рисима Рисимкин, кореографка и уметнички директор на натпреварот. Првото место ѝ беше доделено на Виола Имери, второто место на Антонија Атанасова, а третото место на Јана Кепеска.

    Антонија Атанасова и Јана Кепеска, како второ и третонаградени учеснички, добија дипломи и стипендии за учество на СИД кампот, кој ќе се одржи од 17 до 23 август 2026 година во Скопје, со што наградата продолжува да отвора можности и за поширока група млади танцови уметници.

    Програмата за Виола во Франција е подготвена од Роксан Стојанов и нејзиниот тим. Веќе на почетокот на престојот, Виола ќе отпатува во Евиан, каде што на 5 јули ќе има можност да настапи во рамки на Rencontres Musicales d’Évian / Музичките средби во Евиан, во програмата „Танц и музика“, заедно со Роксан Стојанов.

    Во Париз, Виола ќе учествува на програмата на Балетската школа на Париската опера, каде што ќе посетува часови по класичен балет со Стефан Булион, како и часови по современ танц и џез. Нејзината менторка Дафина Данилоска Кочевска ќе има можност да присуствува на дел од часовите. Програмата вклучува и посета на претстави во Пале Гарние, Театар де ла Вил, Опера Бастиља и Кралската опера во Версај, како и средба со Роксан Стојанов и можност Виола одблиску да се запознае со секојдневието на ѕвездата на Париската опера.

    Во рамки на престојот се предвидени средби и вмрежување со личности од светот на балетот и културата, како и средба со Роксан Стојанов и Игор Николов, Амбасадор на Република Северна Македонија во Париз. Ова искуство претставува значаен чекор за младата уметница, но и важен пример за тоа како преку соработка меѓу културни институции, дипломатски претставништва, мецени и професионалци од уметничката сцена, младите таленти можат да добијат конкретни можности за меѓународен развој.

    Поврзани вести

    Љутков-Раев: Во наредниот период треба да се пристапи кон реализација на конкретни проекти и активности кои ќе придонесат за унапредување на културната размена

    10/07/2026

    На 12 јули започнува 66. „Охридско лето“

    10/07/2026

    Изложба на Роберт Цветковски и Архикс Студио во КИЦ Белград

    10/07/2026
    АКТУЕЛНО

    Гравчето ќе биде многу повкусно со еден едноставен трик: Повеќето луѓе забораваат на овој зачин

    17/11/2026

    Кралот Чарлс и Камила духовито реагираа на веста за новиот Џејмс Бонд

    17/11/2026

    Србија денеска на конститутивната седница ќе ги одбере претседателот и потпретседателите на Парламентот

    17/11/2026

    Корабоски лишен од слобода, се очекува мерка притвор

    16/11/2026
    НЕ ПРОПУШТАЈ

    Владата отвора нов извор на финансирање за филмот: 3 oтсто од давачките од игрите на среќа за Агенцијата

    Почина Мишо Ковач, легендарниот пејач кој продаде над 20 милиони плочи

    Македонското глумиште денес се простува од актерката Ленче Делова

    Advertisement
    Demo
    Facebook X (Twitter) Instagram YouTube
    • Почетна
    • Технологија
    • Додатоци
    • Мобилни
    © 2026 Rabrovo. Designed by MKNET.

    Type above and press Enter to search. Press Esc to cancel.