Постојат луѓе кои бараат стабилност, јасност и сигурност во љубовта. А има и такви за кои една приказна едноставно не е доволна.
Без разлика дали станува збор за потреба од возбуда, страв од обврска или едноставно желба секогаш да имаат „план Б“, некои хороскопски знаци завршуваат во паралелни врски почесто од другите. Секако, астрологијата не е судбина, но одредени карактерни црти можат да ги турнат кон двоен љубовен живот.
Близнаци
Ако постои еден знак што најчесто се поврзува со двоен живот, тоа се Близнаците. Нивната двојна природа е речиси симболична – тие се на две места, во две приказни, со две различни лица одеднаш.
Брзо им здодева во љубовта, а нивната постојана потреба за ментална стимулација ги тера да бараат нови предизвици. Близнаците можат да бидат шармантни, духовити и неверојатно убедливи, поради што често успеваат да одржат две врски без веднаш да бидат разоткриени. Тие не го прават тоа од злоба, туку од потреба за разновидност и чувство на слобода.
Шкорпија
За разлика од Близнаците, Шкорпиите не влегуваат во паралелни врски од досада, туку од интензитет. Тие сакаат длабоко, страсно и често – комплицирано. Токму оваа емоционална длабочина може да ги доведе до ситуации каде што се врзуваат за повеќе луѓе истовремено.
Шкорпиите се таинствени и вешти во криењето на своите вистински намери, па затоа нивниот двоен живот ретко излегува на површина сè додека самите не го дозволат тоа. Кај нив, сè е прашање на контрола – и емоции и информации.
Стрелец
Стрелците се познати по својата љубов кон слободата и авантурата, и токму оваа потреба често ги води во паралелни врски. Тие не ги сакаат ограничувањата, дури ни оние што доаѓаат со сериозна врска.
Иако можат да бидат искрени и отворени, понекогаш би сакале да живеат „две вистини“ отколку да се откажат од една личност или искуство. Стрелците честопати не го гледаат своето однесување како измама во класична смисла, туку како начин да истражат сè што животот нуди.