СДСМ ја поддржува иницијативата на синдикатите и најави поднесување на законски решенија за зголемување на минималната плата на 600 евра, како и покачување на платите за 100 евра во останатите сектори. Партијата исто така планира замрзнување на платите на функционерите, со цел обезбедување на финансиски средства за подобрување на стандардот на граѓаните. Претседателот на СДСМ, Венко Филипче, најави дека ќе ги образложи деталите за овие законски предлози на прес-конференција.
Од друга страна, ВМРО-ДПМНЕ во соопштение посочи дека вечерва на протестот бил присутен ограничен број лица и дека, според нив, дел од синдикатите и политичките субјекти не ја искористиле можноста за дијалог и договарање за зголемување на платите.
Партијата нагласи дека доследно се грижи за стандардот на живот на граѓаните и дека веќе постоеле понуди за зголемување на платите.