Место најмалку три меча, ФИФА го суспендира Кристијано Роналдо на само еден меч, па така португалската мега – ѕвезда ќе може да настапи уште на стартот на СП кое се одржува во Северна Америка од 11 јуни до 19 јули следната година.
Но со ова ФИФА самата си направи проблеми. Имено откако ќе се дознаат ривалите на Португалија во групната фаза, а ждрепката е на 5 декември (петок), тие може да ја тужат ФИФА. Јасно е дека засега нема назнаки за такво нешто, но останува прво да видиме кои ќе бидат противниците на Португалија па после да го видиме нивниот потег.
Како што се наведува во медиумите во таа земја, но и во останатиот дел од Европа, ривалите на Португалија можат да бараат правда пред Арбитражниот суд во Швајцарија.
Факт е дека не е исто да играш против Португаллија со Кристијано Роналдо во составот или без него.