Младата актерка Мили Боби Браун (21) се појавува во сè посмели модни изданија за време на премиерата на серијата „Stranger Things“. На последната проекција во Лос Анџелес, оваа убавица воодушеви со проѕирен фустан.
Мили позираше во драматичен црн мрежест фустан со многу длабоко деколте и имаше голема кадифена машна околу половината. Фустанот е од модната куќа Bronx and Banco, а Мили сè зачини со едноставни обетки и минимална шминка.
Додека актерката самоуверено позираше за фотографите, нејзината изјава што ја даде за британското издание на Vogue сè уште се „вртеше“ кога остро им одговори на сите што коментираат туѓ изглед.
„О боже, што направи со лицето, изгледа како да има 60 години, зошто стана русокоса… Го почитувам новинарството, сакам да читам статии за моите омилени луѓе и да слушам што прават. Разбирам дека има папараци, кои се инвазивни, знам дека тоа е ваша работа, но не ме напаѓајте веднаш во насловот. Тоа е толку погрешно и е малтретирање, особено за млади девојки кои се нови во индустријата“, рече таа.
Мили се осврна и на негативните коментари за време на турнејата за филмот „The Electric State“, кога негативните наслови преплавија сè.
„Бев депресивна секој ден, плачев три, четири дена“, беше искрена актерката.
„Тргни се од мене… Знаете… Имам 21 година, ќе се забавувам и ќе си играм, ќе бидам своја“, им рече Мили на сите критичари.
фото: принтскрин