Пушколи, кој е косовски државјанин и сопственик на косовската медиумска агенција „КосоваПост“, бил запрен при обид да влезе во Македонија. Тој на социјалните мрежи објави дека од институциите на Косово веднаш побарал да преземат мерки во случајот и да ги заштитат неговите права. Пушколи подоцна објави дека по разговорот и испрашувањето бил ослободен од македонската полиција.
„По разговорот и испрашувањето, македонската полиција ме ослободи“, објавил Пушколи, при што изразил благодарност до полицајците Албанци за, како што навел, коректниот и професионален однос за време на постапката.
Засега нема официјално соопштение од македонското Министерство за внатрешни работи за случајот, ниту јавно достапни информации за конкретното кривично дело поради кое Србија го бара Пушколи.
Косовските и регионалните медиуми известуваат дека станува збор за потерница издадена од српските власти, а во првичните информации се наведува дека неговата поранешна припадност на ОВК е поврзана со случајот.