Последниот четвртфинален натпревар во рамките на Купот на Македонија „Благоја Георгиевски – Буштур“ донесе од се по нешто. Од инцидент на трибините, повлекување на Пелистер и драма до последните минути. На крајот победата ја однесе домаќинот, кој славеше со 75-66.
Битолчани после мечот беа видно револтирани. И тоа го искажаа јавно, според нив во Куманово на теренот играле „осум на пет“, а не „пет на пет“. Според нив им се случило големо сценарио, а Пелистер како клуб не го заслужува тоа.
„Пелистер загуби „осум на пет“, бидејќи се играше во Куманово, домашен терен, имавме голем притисок уште на почетокот, не ги пуштија нашите навивачи да влезат во сала. Големо сценарио, мислам Пелистер не заслужува каков третман во македонската кошарка“, изјави помошниот тренер, Дејан Илиевски.