Стотици илјади луѓе се евакуирани во засолништа во Куба, поради ураганот „Мелиса“, јавува Associated Press (AP), а пренесува „Гардијан“.
Издадено е предупредување за ураган за провинциите Гранма, Сантијаго де Куба, Гвантанамо, Олгин и Лас Тунас. Ураганот „Мелиса“ имал најсилни постојани ветрови од 120 милји на час (193 километри на час) и се движел кон североисток со брзина од 10 милји на час (16 километри на час), според Националниот центар за урагани (NHC).
Центарот на ураганот бил на 32 километри источно од Чивирико и околу 97 километри западно-југозападно од Гвантанамо, Куба.
Според прогнозите, Мелиса ќе ја премине островската територија во текот на утрото и ќе се упати кон Бахамите подоцна во среда. Продолжените обилни врнежи може да предизвикаат поплави опасни по живот и бројни свлечишта, предупредија американските метеоролози.