Цената на дизелот се зголемува за шест, а на бензините за три денари за литар, одлучи Регулаторната комисија за енергетика и водни услуги. Од ноќеска на полноќ, дизелот се ќе се продава по цена од 101 денар, Еуросупер БС-95 ќе чини 97 денари, а Еуросупер БС-98 99 денари за литар.
Со најновата одлука на РКЕ, најголемо поскапување има кај Екстра лесното масло за домаќинство (ЕЛ-1), чија цена се зголемува за 8 денари по литар, со што новата малопродажна цена изнесува 105,00 денари. Поскапува и мазутот за 1,591 денари по килограм и ќе се продава за 46,001 денари за килограм.
Од Регулаторната комисија посочуваат дека новите корекции се направени врз основа на движењето на референтните цени на нафтените деривати на светските берзи, како и промената на курсот на денарот во однос на американскиот долар.