„Мислеа дека ќе ги замолчат. ВМРО-ОКГ на прес-конференција објави доверливи податоци од документи од Полициската станица Струмица. Докуметни и податоци до кои немаат право на пристап и кои се водени како службена тајна. А тоа е ново кривично дело. Мислеа дека ќе се спасат? Се излажаа“, рече Димитријевиќ.
Против струмичките полицајци е поднесена кривична пријава за злоупотреба на службената положба и овластување, затоа што според Димитријевиќ, со пристап кон казнената евиденција извлекле доверливи документи кои биле дадени и завршиле во ВМРО-ДПМНЕ, за одавање службена тајна, затоа што податоците од казнената евиденција претставуваат класифицирана информација и службена тајна, а завршиле во ВМРО-ДПМНЕ и за злоупотреба на лични податоци, затоа што овозможиле податоци од казнената евиденција да бидат искористени за партиски цели на ВМРО-ДПМНЕ, сосема различна од онаа за која биле прибавени.
Кривична пријава противпортпаролот на ВМРО-ДПМНЕ, Валентин Манасиевски е поднесена поради злоупотреба на лични податоци, бидејќи, како што рече Димитријевиќ, без никаква законска основа, јавно презентирал и соопштил податоци од казнената евиденција преку медиумите и за поттикнување поради основано сомнение дека самостојно или преку посредници, со умисла ги поттикнал полицајците да ги извршат кривичните дела злоупотреба на службената положба и оддавање службена тајна.
„Тоа го сторил со цел да му ги обезбедат предметните доверливи податоци за потребите на неговиот јавен настап. Сега Јавното обвинителство е на потег. За прекршување на законите мора да има одговроност! Криминалната ВМРО погреши што дигна рака на младите и прати насилници да ги тепаат. Погрешија што направија уште едно кривично дело со злоупотреба на доверливи документи и податоци. Нема да се спасат, сите ќе одговараат!“, рече Димитријевиќ.