Суд во Истанбул во петокот нареди притвор за турскиот комичар Дениз Гокташ, под сомнение дека го навредил претседателот Реџеп Таип Ердоган и религиските вредности на нацијата.
Гокташ бил приведен ден претходно на аеродромот во Истанбул, додека се враќал од странство, објавија турските медиуми.
Комичарот ги отфрли обвинувањата. „Апсолутно немав намера јавно да ги навредам религиските вредности прифатени од одреден дел од населението“, изјавил тој.
Во својот настап наречен „Мртво море“ (The Dead Sea), кој е достапен и на Јутјуб, Гокташ се шегувал за светите книги на трите аврамски вери: исламот, јудеизмот и христијанството.
Тој рекол и дека Куранот е „најдобрата“ од тие книги, а во судот повторил дека не сакал да го омаловажи претседателот. Според текстот, на социјалните мрежи претходно Ердоган го нарекол „диктатор“.
Истанбулското обвинителство добило 185 формални пријави за неговиот стендап настап, по што била отворена истрага.
Гокташ е роден во Анкара, а кариерата како комичар ја почнал во 2019 година. Настапувал во Турција, Европа и САД, а неговите видеа на Јутјуб има милиони прегледи.
Извор: Balkan Insight