Младинскиот гудачки квартет „Карпош“ ќе реализира три концерти по повод роденденот на генијалниот Johann Sebastian Bach на 29 март на Платото пред Млечен ресторан во 10.00, 11.30 и 13.00 часот.
Овие концерти се дел од светската иницијатива „Bach in the Subways“, преку која Општина Карпош се приклучува на глобалното одбележување на музиката на Бах, директно меѓу луѓето, надвор од концертните сали. Иницијативата е покрената пред десетина години и има огромно значење за доближувањето на класичната музика до најшироката публика.
На концертот ќе бидат изведени композиции од Јохан Себастијан Бах од познатиот албум за Ана Магдалена Бах, аранжирани за гудачки квартет.
Младинскиот гудачки квартет „Карпош“ се состои од четири млади феноменални музичарки и тоа: Јана Бужаровска – виолина, Грациела Трајковска – виолина, Марија Павловска – виола и Сара Илиевска – виолончело.
Гудачкиот квартет работи под менторство на виолинистката Пламенка Трајковска.
Концертите ќе бидат обоени со енергија, младешка страст и безвременска убавина во изведба што го претвора секојдневието во уметничко доживување.
Концертите се реализираат со поддршка на општина Карпош.