Познатиот Мик Џегер (82) се појави на црвениот тепих на Есенската модна гала за 2025 година на Балетот на Њујорк Сити, а беше придружуван од неговата свршеница Мелани Хамрик (38).
Покрај нив, имаше и бројни други ѕвезди како Џулија Фокс, Оливија Палермо, Дона Каран, меѓутоа, главни ѕвезди беа Џегер и 44 години помладата Мелани.
Таа за оваа пригода избра црвен фустан со шлиц од страна, додека Џегер носеше шарена кошула, црна јакна и малку посветли панталони.
И покрај разликата во годините, овој пар преживеа иако никој не им предвидуваше „светла“ иднина. Тие се заедно десет години, но сепак се енигма за многумина.
Мелани беше балерина и го запозна Џегер во 2014 година за време на неговата турнеја во Токио. Кога го роди своето прво дете во 2016 година, а неговото осмо, таа се повлече од јавноста.
Иако често беа мета на коментари како двојка, тие уште еднаш докажаа дека тоа воопшто не ги засега и дека ќе го продолжат својот животен стил како и претходно.