Полициски службеници го лишеа од слобода 39-годишен државјанин на Босна и Херцеговина, кој управувал патничко возило со брзина од 164 километри на час на патниот правец Катланово – Скопје, на делница каде што максимално дозволената брзина е 80 километри на час.
Како што информираат од Министерството за внатрешни работи, на 10 октомври 2026 година, во 15:20 часот, полициски службеници од Полициската станица за граничен премин Табановце го лишиле од слобода С.О. (39) од Босна и Херцеговина, поради сомнение за сторено кривично дело „безобѕирно управување со моторно возило“, предвидено во член 297-а од Кривичниот законик.
Според информациите од МВР, лицето се движело со брзина од 164 километри на час на патниот правец Катланово – Скопје, каде што дозволената максимална брзина е 80 километри на час.
По целосно документирање на случајот, против лицето ќе биде поднесена соодветна пријава.